Kryetari i Mitrovicës dhe anëtari i VV-së, Agim Bahtiri, ka thënë se qeverisja LDK dhe VV do të ndodhë pasi që nuk ka opsion tjetër dhe se këtë e ka kërkuar qytetari.
“Shumë shpejt vendi do të futet në një qeverisje LDK-VV”, ka thënë Bahtiri.
“Vendi nuk shkon në zgjedhje pasi nuk ka opsione tjera. Edhe njëqind herë të hyjmë në zgjedhje me PDK-në nuk shkojmë”, tha Bahtiri, në emisionin DPT te Fidani në T7
Tutje kur është pyetur për komentet e Ramush Haradinajt se me Albin Kurtin del vetëm për të pirë kafe dhe jo për tu futur në qeveri, Bahtiri është përgjigjur kështu: “Askush nuk e ka ftuar Ramushin për të biseduar në bashkëqeverisje. Për qeverisje e kemi vetëm një opsion, e ajo është LDK-ja”.