Administrata Tatimore e Kosovës (ATK) është vënë nën shënjestrën e Prokurorisë Speciale.
Disa zyrtarë të lartë të kësaj administrate po hetohen për keqpërdorim të miliona eurove.
Burimet e Indeksonline kanë thënë se Prokuroria Speciale së shpejti do të ngritë aktakuzë ndaj disa drejtorëve të ATK-së për keqpërdorim të detyrës zyrtare.
Hetimet kanë nisur kohë më parë pas dyshimeve të bazuara të organeve të rendit dhe tashmë disa zyrtarë janë intervistuar nga prokurorët e ngarkuar me këtë rast.
Indeksonline në ditët në vazhdim do t’iu sjell detaje rreth procesit të hetimeve.