Kryetari i BDI-së, Ali Ahmeti, përmes një shkrimi në Facebook ka reaguar pas ftesës së Gjykatës Speciale për Kadri Veselin, raporton Gazeta Express.
Ahmeti në shkrim me fjalë prekëse i është drejtuar Veselit me fjalët vëlla, bashkëmendimtar e bashkëluftëtar.
Tutje Ahmeti ka shkruar se ftesa nga Gjykata Speciale paska qenë e shkruar.
“Na paska qenë e shkruar, jo nga Perëndia, por nga hasmi, ai i dituri dhe ai i strukuri, që çdo ditë të lume ta dëshmojmë pastërtinë dhe dinjitetin e luftës tonë çlirimtare nga zgjedha e kasapit të Ballkanit”, ka shkruar kryetari i BDI-së.
Ahmeti ka shkruar se edhe ai edhe Veseli edhe një jetë po ta kishin do ta bënin të njëjtën gjë pa iu dridhur qerpiku.
“E di që edhe ti, si edhe unë, edhe një jetë po ta kishim, do ta bënim të njëjtën, pa ndryshuar pikë as presje, pa na u dridhur qerpiku, e as pa u menduar as edhe një herë të vetme. Kjo është padrejtësi, por ti do të ngadhnjesh ndaj saj ashtu siç bashkë ngadhënjyem në luftën tonë të drejtë”, ka shkruar Ahmeti.
