Prishtina ishte e qetë deri pak para mesnatës.
Vendimi i ekzekutivit komunal për të mos përdorur mjete piroteknike nuk u respektua nga qytetarët kur u shënua fillimi i Vitit të Ri, raporton KTV.
Ata që zgjodhën qendrën e kryeqytetit për të pritur vitin e ri në sheshin “Zahir Pajziti”, patën mundësi të dëgjojnë muzikë në koncertin e organizuar nga Komuna e Prishtinës.
Qytetarët duan që 2017-a të jetë vit i ndryshimeve për të mirë.
Disa qytetarë u zhgënjyen që nuk ishte i pranishëm kryetari Shpend Ahemti, e as fishekzjarrët, ashtu siç kishte bërë çdo vit Komuna.
Vendimi për mos përdorimin e mjeteve pritoteknike erdhi në kuadër të masave në mbrojtjen e ndotjes së ajrit, ku përmasat e larta të ndotjes nxitin reagime nga vetë qytetarët.