Ish-zëvendëskryeministri, Haki Abazi ka thënë se largimi i presidentit Hashim Thaçit nga politika do të duhej gjithashtu ta çlironte LDK nga klika e SHIK-ut dhe urdhëruesve të vrasjeve të bëra gjatë dhe pas luftës.
Abazi në llogarinë e tij në Facebook, ka shkruar se MPB është e kapur dhe e kontrolluar që të mos hapen dosjet e vrasjeve dhe orkestrimit të rasteve përfshirë edhe vrasjen e gazetareve dhe dëshmitarëve.
“MPB dhe AKI e kanë të qartë dhe në dispozicion informatën prej nga kanë ardhur dosjet e dhomave të specializuara. Ata nuk guxojnë të veprojnë dhe kjo është arsyeja që krijojnë spektakle me mëndu keq e mbrapsht janë të parët”, thotë Abazi.
Sipas tij, Qeveria e tanishme të cilën e quan ilegale, është instrument i kapjes së shtetit dhe mekanizmit për koncesione ndaj Serbisë, bashkëveprim me krimin e organizuar dhe skemat e korrupsionit në të gjitha nivelet.
“Zgjedhjet janë zgjidhja, të gjithë ata që janë kundër zgjedhjeve sot janë për vazhdimin e krimit dhe korrupsionit”, ka shkruar në fund Abazi.
