Ministri i Punëve të Jashtme i Kosovës, Behgjet Pacolli, ka reaguar pas arrestimit të ish-ushtarit të UÇK-së, Tomor Morina në Maqedoninë Veriore sipas një urdhërarresti të Serbisë.
Ai ka thënë thënë se është në kontakt të ngushtë me autoritetet e Maqedonisë Veriore, për të siguruar lirimin e ish-ushtarit të UÇK-së, Tomor Morina.
Pacolli ka thënë se urdhër-arrestet politike të Serbisë kundër luftëtarëve të lirisë së UÇK-së nuk kanë kuptim dhe as bazë ligjore dhe thjesht bazohen në arsye politike.
Më tej ai ka pohuar se beson që do të ndodhë së shpejti lirimi i Tomor Morinës, dhe se ai do të kthehet tek familja e tij.
Ministri Pacolli, ka theksuar se Kosova dhe Maqedonia Veriore kanë miqësi të ngushtë dhe partneritet dhe si partnerë do ta zgjidhin këtë çështje.
