Kërkesës së kryeparlamentarit, Kadri Veseli për krijimin e një komisioni parlamentar për hetimin e listave të fryra të veteranëve dhe njëherësh pastrimin e tyre, shoqëria civile dhe deputetë të Kuvendit i janë përgjigjur negativisht.
Kjo sipas tyre është ndërhyrje në gjyqësor dhe njëherësh keqpërdorim i komisioneve hetimore parlamentare.
Betim Musliu nga konsideron se kjo iniciativë përbën ndërhyrje në punën e drejtësisë, pasi sipas tij lidhur me rastin ‘Veteranët e rrejshëm’ është ngritur aktakuzë.
Deputeti i Nismës Socialdemokrate, Enver Hoti, ka thënë se më trajtimin e kësaj çështjeje duhet të merret vetëm Komisioni Shtetëror.
“Qytetarët dhe vetë veteranët e UÇK-së kanë nevojë që të arrihet e vërteta, por e vërteta nuk mund të arrihet duke krijuar trupa paralele”, tha Hoti, për RTV21.
Sipas deputetit të LDK-së, Driton Selmanaj, çdo involvim i politikës në këtë çështje do ta dëmtojë procesin e hetimit.
Edhe deputeti i Vetëvendosjes, Rexhep Selimi, konsideron se kryeparlamentari Veseli mund të zgjedh rrugë më të shkurtër për zgjidhjen e çështjes dhe opsioni i fundit është formimi i Komisionit hetimor.
