Ministrisë së Bujqësisë, Pylltarisë dhe Zhvillimit Rural, ka nënshkruar memorandum bashkëpunim me Komunës e Malishevës, për zbatimin e projektit për ndërtimin e kanalit të ujitjes në fshatin Banjë të Komunës së Malishevës.
Sipas njoftimit për media ky memorandum i bashkëpunimit është nënshkruar në mes të sekretarit të përgjithshëm të MBPZHR, Kapllan Halimi dhe Kryetarit të Komunës së Malishevës, Ragip Begaj.
Në njoftim thuhet se projekti i ndërtimit të kanalit të ujitjes në fshatin Banjë, ka një kosto prej 499 104.20 euro, ndërsa qëllimin i këtij projekti është zhvillim i bujqësisë përmes ndërtimit të infrastrukturës së ujitjes të tokës bujqësore.
“Bazuar në këtë marrëveshje, Ministria e Bujqësisë, Pylltarisë dhe Zhvillimit Rural, merr përsipër financimin e 90 për qind të projektit, ndërsa Komuna e Malishevës, do të financoj 10 për qind të projektit, apo shprehur në mjete 49 910.42 euro. Kanali i ujitjes është kërkesë e kamotshme e banorëve të fshatit Banjë, pasi në të kaluarën ky kanal i ujitjes ka ekzistuar, por me kohën është dalë jashtë funksionit, ndërsa tani pritet të ndërtohet ky kanal i ujitjes, sipas standardeve dhe duke ju përshtatu nevojave të kohës së sotme”, thuhet në njoftim./telegrafi/
