Shefi i Grupit Parlamentar të NISMA’së, Bilall Sherifi ka thënë se të gjitha punësimet që po ndodhinë në Kosovë nga partitë politike nuk mund të fshehën më, pasi po jetojmë në një kohë të ‘Big Brother’, transmeton Gazeta Metro.
Sherifi tha se inkurajon mediat dhe punëtorët brenda institucioneve publike që të raportojnë për punësimet partiake dhe familjare, pasi jemi në vitin 2019 dhe nuk mund të fshehin këto gjera.
Ai të gjitha këto raportime i lidh me reality show’in e famshëm ‘Big Brother’ duke thënë se tani nuk ka më terr informativ, çdo gjë shihet dhe transmetohet nga mediat.
“E dimë të gjitha se raportimi i mediave është i bazuar mbi raportimet e punëtorëve aty brenda dhe inkurajoj të gjitha mediat dhe punëtorët që ta bëjnë akoma këtë, jemi në vitin 2019 dhe le të harrojnë të gjithë ata se qoftë me ligj apo pa ligj e bëjnë një veprim të tillë dhe shpresojnë që ai të merret vesh, le të hiqet ky iluzion se mund të mbahet fshehtë një punësim, nuk është më vendi 2008 e as 2012, jemi në vitin 2019, po jetojmë në epokën e Big Brother, gjithçka raportohet sot, nuk ka më terr informativ”, tha Sherifi.
Sherifi tha po ashtu se fton për hetim të gjitha punësimet që janë bërë nëpër institucione publikë ku të shikohen se a janë respektuar kriteret e atyre që janë punësuar.
