Protesta e organizuar pas rastit të abuzimit seksual të 16 vjeçares në Drenas nga mësuesi i saj e më pas edhe nga polici hetues, ende është duke vazhduar.
Protesta është duke u zhvilluar para stacionit kryesor të policisë në Prishtinë.
Protestuesit për rreth 30 minuta iu kanë lutur kordonit policor të tërhiqen dy hapa mbrapa në shenjë simbolike se janë kundër abuzuesve dhe përdhunuesve.
Mirëpo, edhe pas shume thirrjeve kordoni policor nuk ka lëvizur.
Protestuesit të pakënaqur kanë thënë se ‘nuk është burrni të mos e bësh një hap mbrapa pasi gjërat e njëjta mund të iu ndodhin edhe vajzave e grave të tyre’.
