Me rastin e muajit të shenjtë të Ramazanit, Kryetari i Komunës së Skenderajt, Bekim Jashari, ka shtruar iftar për Këshillin e Bashkësisë Islame në Skenderaj, ku ishin të pranishëm, nënkryetari i komunës Nuredin Lushtaku, kryetari i Bashkësisë Islame në Skenderaj, Nexhmi Maksuti me imam të xhamive, kryesuesja e Kuvendit, Fatbardha Haliti si dhe drejtor të drejtorive komunale, deputeti i Republikës së Kosovës, Bekim Haxhiu dhe përfaqësues të shoqatave të dalura nga lufta.
Kryetari Jashari ka falënderuar, përfaqësuesit e Këshillit të Bashkësisë Islame në Skenderaj për kontributin e tyre të dhënë për ruajtjen e tolerancës fetare në Komunën e Skenderajt.
Ndërsa kryetari i Bashkësisë Islame në Skenderaj, Nexhmi Maksuti, ka falënderuar Kryetarin Jashari, për këtë iftar duke theksuar që bashkëpunimi ndërinstitucional është në nivel të shkëlqyer dhe të vazhdojë kështu edhe më tutje për ruajtjen dhe kultivimin e tolerancës fetare.
