Mediat botërore nuk kanë lënë pa shënuar momentin që dy shqiptarë i kanë dhënë goditjen Serbisë me dy gola të shënuara me Zvicrën në Kampionatin Botëror që po mbahet në Rusi.
The Independ ka shkruar se “Xherdan Shaqiri e Granit Xhaka kanë shënuar në fitoren e Zvicrës për t’i lënduar shpresat e Serbisë”.
Xhaka kishte shënuar për barazim, e Shaqiri për fitore. Dy kosovarë, dy golashënues, në një stadium ku tifozët rusë dhe serbë kishin ardhur së bashku për të mbështetur një ekip që ata nuk e shihnin si kundërshtarë të thjeshtë. Një skuadër që ishte parë si superiore në pjesën e parë, por u tërhoq prapa në të dytën, dhe ‘u rrah për vdekje’”, ka shkruar prestigjiozja “The Guardian”.
Kanë njoftuar edhe mediet botërore, ato më me nam, si The Washington Post, BBC, Deutsche Welle, e The Sun.
Kanë parë këtë si rast për të kujtuar se djemtë që tash luajnë për Zvicrën kishin ikur nga Kosova kur këtu po bëhej luftë. Kanë përshkruar vuajtjet e shqiptarëve nën Serbi, janë rikujtuar burgosjet, vrasjet, shpërnguljet
