Presidenti i Serbisë, Aleksandar Vuçiq, ka konfirmuar sot se ka marrë ftesë zyrtare për vazhdimin e dialogut me Kosovën dhe se takimi i tij me shefin e shtetit kosovar, Hashim Thaçi do të ndodh të dielën.
“Kam marrë ftesë zyrtare dhe delegacioni i Serbisë gjithsesi do t’i përgjigjet kësaj ftese”, ka thënë Vuçiq para pak çastesh në Beograd.
Sipas tij, ai qysh të premten do të jetë në Bruksel.
“Nga e premtja do të jem atje (në Bruksel), për mediat nuk është shumë atraktive, kurse të dielën do të vije deri te takimi im me Hashim Thaçin”, ka thënë Vuçiq.
Ky është takimi i parë i dy shefave të shteteve në fillimin e fazës së fundit të dialogut ndërmjet Kosovës dhe Serbisë.
