E, Dedaj, i cili më parë ka kundërshtuar edhe ide të tjera të shefit të tij, tha se anëtarësimi i Kosovës në këtë organizatë është hap i nxituar që rrezikon, cenon dhe neglizhon perspektiven euroatlantike të Kosovës, shkruan lajmi.net.
Dedaj kishte kontribuuar edhe për tërheqjen e njohjes së Kosovës nga shteti i Burundit. Ai ka pas deklaruar se shtetet që nuk janë serioze si Burundi, paradite të njohin, kurse pasdite e tërheqin njohjen.
“Për mendimin tim një shtet serioz kur e njeh në vend qysh e kanë njoftë Kosovën, nuk duhet me tërheq njohjen. Kur janë shtete që s’janë shumë stabile dhe me politikë të qëndrueshme, atëherë paradite të njohin masdite e hekin njohjen”, kishte deklaruar ai.
Deklarata e tij së bashku me të zv/ministrin tjetër të Jashtëm, Anton Berisha kishin bërë që Serbia t’i përdor te shteti i “parëndësishëm” që Kosova sot të ketë sot një njohje më pak.
Kur jemi te Berisha, ajo që duhet deklaruar është se ndonëse u mundua t’i fshehte deklarata e tij në raport me atë që kishte thënë, një gjë e tillë ju kthye bumerang.
Anton Berisha, më 17 shkurt në një bisedë telefonike për lajmi.net, e kishte cilësuar të parëndësishme njohjen nga Republika e Burundit dhe se sipas tij, nuk kishte asnjë peshë njohja apo mosnjohja nga ky shtet.
“Nuk ka asnjë peshë as njohja e as mos njohja e Burundit, besoj që Serbia do të bëjë tema të kësaj natyre që me kontestu Pavarësinë e Kosovës”, kishte thënë Berisha më 17 shkurt.
Pra, atë kohë të dy deklarata së bashku, e Berishës dhe Dedajt, u përdorën nga diplomacia serbe me arsyetim, tek “shteti i parëndësishëm” sipas zv/ministrave kosovarë, që shteti i Burundit të merr vendimin përfundimtar.
Sido qoftë, Qeveria ndaj zv/ministrave në fjalë nuk ka ndërmarr asnjë ndëshkim për rastin e ç’njohjes së Burundit, pasi është arsyetuar se duhet të gjenden shkaku i vërtetë, por duke i lënë fajin Serbisë e cila tash e sa vite është aktive kundër lobimit të Kosovës.
