Autobusi i kompanisë ‘R-Gashi’ ka dalë nga rruga në drejtim të Nishit, që po vinte për në Kosovë.
E nga mjekët në spitalin e Prokuples është bërë e ditur që tre nga të lënduarit janë në gjendje më të rëndë dhe janë dërguar për trajtim të mëtutjeshëm në Nish.
“Një nga pacientët është i lënduar më rëndë. Dy kanë pësuar thyerje të lehta, ndërsa i lënduari më rëndë ka pësuar thyerje të gjymtyrëve. Ata janë dërguar për trajtim të mëtutjeshëm në Nish”, ka thënë Zharko Stojiçiq nga Spitali i Prokuples, transmeton lajmi.net.
Lajmi.net ka tentuar të kontaktojë edhe me kompaninë “R-Gashi”, mirëpo kontakti me ta ka qenë i pamundur.
