Reshjet e vazhdueshme të borës dhe gjendja jo e mirë e rrugëve në Kosovë, ka bërë që të shtohet dukshëm numri i aksidenteve rrugore.
Nga raporti 24 orësh i Policisë së Kosovës, bëhet e ditur se vetëm gjatë 24 orëve të fundit në Kosovë kanë ndodhur gjithësej 81 aksidente trafiku.
Nga këto 81 aksidente, 26 prej tyre kanë qenë me të lënduar, ndërkaq 55 raste janë raportuar pa lëndime.
Ndryshe, në këtë periudhë kohore, Policia e Kosovës ka shqiptuar gjithësej 747 tiketa trafiku.
