Që prej 18 shkurtit, opozita i zhvillon seancat plenare në çadër. Ditën e sotme ish kryeministri Berisha, ka mbajtur fjalimin rutinë të së enjtes. Ai është ndalur te situate e sotme në Kuvend ku mungonin aleatët e Ramës nga PDIU-ja dhe LSI-ja, duke shprehur se Ramën e braktisën edhe aleatët e tij.
I nisiur nga situata politike në vend, Berisha ka theksuar edhe njëherë se opozita nuk futet në zgjedhje me kryeministër Edi Ramën. Duket se vendimi për të vazhduar qendrimin në çadër mbetet i pandryshuar dhe se e vetmja mënyrë që kjo të ndodhë është qeveria teknike dhe zgjedhjet e lira.
Për këtë çështje, Rama në Kuvend e akuzoi opozitën se kjo është një mënyrë e tyre për të ndaluar Partinë Socialiste të hyjë në zgjedhje dhe jo garantimin e zgjedhjeve të lira. Gjithashtu Rama u shpreh se Vetting-u është arsyeja pse çadra ka marrë jetë.
