I ashtuquajturi drejtor i Zyrës për Kosovën në Qeverinë e Serbisë, Marko Gjuriq, ka deklaruar përsëri se nëse Prishtina deri në mes të shkurtit nuk formon Asociacionin e Komunave Serbe (AKS), atëherë ajo do të themelohet nga përfaqësuesit politikë të serbëve.
Në një intervistë për TV Pink, Gjuriq tha se “durimit po i vjen fundi” dhe se “nëse shqiptarët në mënyrë të njëanshme kanë qenë në gjendje për të shpallur pavarësinë, edhe serbët mund të themelojnë AKS-në”.
“Në fund të fundit, ky nuk do të jetë një veprim i njëanshëm, sepse është e përfshirë në marrëveshjen e Brukselit”, ka thënë Gjuriq. /Zëri/
