Kryeministri i vendit, Albin Kurti ka zhvilluar sot një bisedë telefonike me ministrin e Jashtëm të Gjermanisë, Heiko Maas, me të cilin kanë diskutuar për perspektivën e rajonit në Bashkimin Evropian dhe dialogun Kosovë-Serbi.
Në një postim në Twitter, Ministria e Jashtme e Gjermanisë njofton se ministri Heiko Maas ka zhvilluar një bisedë telefonike me kryeministrin Kurti.
Në këtë postim, ministri Maas citohet të ketë thënë se është prioritet kryesor i Gjermanisë të sigurojë një perspektivë evropiane për shtetet e Ballkanit Perëndimor dhe se dialogu Kosovë-Serbi mbetet vendimtar për këtë qëllim.
“Është prioritet kryesor i Gjermanisë të sigurojë një perspektivë evropiane për shtetet e Ballkanit Perëndimor. Dialogu për normalizimin e marrëdhënieve me Serbinë, i udhëhequr nga BE mbetet vendimtar për këtë qëllim”, citohet të ketë thënë ministri i Jashtëm i Gjermanisë.
Ndërkaq, edhe kryeministri Kurti në një postim në Twitter ka njoftuar për bisedën telefonike me ministrin e Jashtëm të Gjermanisë.
“Telefonatë produktive me ministrin e Jashtëm të Gjermanisë, Heiko Maas. Theksuam perspektivën evropiane të Kosovës në Bashkimin Evropian dhe marrëdhëniet e forta bilaterale. Gjermania është një anëtare vendimtare e Bashkimit Evropiane dhe ne ndajmë të njëjtin vizion për gjashtë vendet e Ballkanit Perëndimor, të përkushtuar për anëtarësim të plotë në BE dhe NATO”, shkruan Kurti.
It is a key priority for Germany to provide a perspective within the #EU to the states of the #WesternBalkans, Foreign Minister @HeikoMaas told #Kosovo’s Prime Minister @AlbinKurti in a phone call today. The EU-led normalization dialogue with #Serbia remains crucial to this end.
— GermanForeignOffice (@GermanyDiplo) May 11, 2021
Productive phone call with 🇩🇪 Foreign Minister @HeikoMaas highlighting Kosova‘s 🇪🇺perspective and our strong bilateral relations.
Germany is a critical member of #EU and we share the same vision for a democratic WB6, committed to full membership of the EU and NATO. pic.twitter.com/PnnhRbukBw
— Albin Kurti (@albinkurti) May 11, 2021
