Gjykata Kushtetuese ka hedhur poshtë votën e deputetit Etem Arifi për zgjedhjen e Qeverisë dhe ka urdhëruar ushtruesen e detyrës së presidentes Vjosa Osmani, që të shpallë zgjedhjet e parakohshme në afat prej 40 ditësh, ndërsa pas këtij njoftimi sot Osmani filloi konsultimet me partitë politike për datën e zgjedhjeve.
Tashmë ka nisur takimi ndërmjet Osmani dhe liderit të Vetëvendosjes, Albin Kurti.
Osmani në orën 14.00 do të ketë takim me Lidhjen Demokratike të Kosovës, në orën 15.00, Partinë Demokratike të Kosovës, ndërsa në orën 16.00, Aleancën për Ardhmërinë e Kosovës.
Të mërkurën, Osmani do të vijojë takimet me përfaqësuesit e subjekteve të tjera politike. /Telegrafi/
