‘Donald Trump do të sigurojë ngadalë fitoren nga rivali i tij Joe Biden sot, i cili sipas pretendimeve të çuditshme të një astrologu, nuk do të respektojë rezultatin e zgjedhjeve’.
Pjesa e fundit e garës për në Shtëpinë e Bardhë është në zhvillim e sipër ndërsa miliona amerikanë votuan për njërin nga dy kandidatët, shkruan Express.co.uk.
Presidenti i tanishëm Donald Trump shpreson të sigurojë edhe katër vjet në detyrë, kurse rivali i tij demokrat ka epërsi në disa nga sondazhet që po jepen, transmeton Telegrafi.
Të hënën, analistët e sondazheve në FiveThirtyEight i dhanë Biden një epërsi të lehtë.
Analistët parashikuan gjithashtu se Pensilvania do të jetë një shtet kryesor.
E megjithatë, presidenti Trump është pozitiv që ai ende ka një shans për të siguruar një tjetër mandat në detyrë.
Duke dalë në Fox & Friends këtë mëngjes, ai tha: “Unë mendoj se do të kemi fitore, mendoj se sondazhet janë, ju i dini sondazhet dhe unë mendoj se do të kemi fitore”.
“Nuk e di cilat janë shanset, nuk e di se si i vlerësojnë shanset, por mendoj se kemi një shans shumë të fortë për të fituar”.
Presidenti Trump tani është mbështetur nga një numër astrologësh, mistikësh dhe numerologësh, njëri prej të cilëve parashikon një rezultat të trazuar të zgjedhjeve.
Sipas gazetës izraelite Israel Hayom, Donald Trump do të marrë mandatin e tij të dytë në detyrë, por vetëm pas një beteje të tërhequr me Demokratët.
Astrologu Pavel Carlin tha: “Demokratët nuk do të respektojnë rezultatin dhe Joe Biden do të vjedhë presidencën”.
Dhe mistiku Sana Kuma në mënyrë të ngjashme beson se Amerika po shkon drejt një rezultati befasues të zgjedhjeve.
Sipas mendimit të saj, presidenti Trump do të fitojë përsëri, por jo përmes një rezultati nokaut.
Zgjedhja e tij, do të forcojë ekonominë e SHBA-së e cila më pas do të lulëzojë në vitet e ardhshme.
Astrologia e njohur Tova Safra gjithashtu beson se Presidenti Trump do të qëndrojë në detyrë edhe për katër vite të tjera.
Sipas interpretimit të saj të yjeve, rezultatet mund të jenë të paqarta në fillim, por një fitore e Republikanëve është e garantuar.
Sidoqoftë, asnjë nga këto pretendime nuk përputhet me atë që sondazhet dhe analistët kanë thënë për javë të tëra.
Nuk ka gjithashtu asnjë provë për të mbështetur pretendimin se astrologjia ka ndonjë ndikim mbi realitetin.
