Izolimi i dytë do të ndodhë në tërë Britaninë e Madhe nga dita e enjte, që nënkupton se të gjitha dyqanet jo ushqimore, restorantet dhe pabet do të mbyllen për të paktën katër javët e ardhme, ka bërë të ditur kryeministri britanik Boris Johnson, shkruan The Guardian.
Ky vendim si kundërpërgjigje në kohën kur në Britani të Madhe është tejkaluar shifra e një milion të infektuarve, ku gjatë një konference për media Johnson bëri të ditur se do të ndërmerren “masat shtesë” që do të mbeten në fuqi deri më 2 dhjetor, transmeton Telegrafi.
Qytetarët janë këshilluar të qëndrojnë nëpër shtëpi sa më shumë që munden, por atyre do t’ju lejohet të dalin nga shtëpitë nëse shkojnë në shkolla apo për ndonjë kontroll mjekësore dhe për blerje të artikujve esencial.
Ushtrimet në ambient të hapur do të lejohen, me anëtarët që jetojnë në të njëjtën familje apo edhe me një nga një familje tjetër. Përjashtime do të ketë për të gjithë ata që kujdesen për persona të sëmurë.
Lokale që shërbejnë ushqim “merr me vete” apo “take away” dhe ato me porosi do të lejohen të ushtrojnë veprimtarinë.
