Lëvizja Vetëvendosje ka reaguar pas paralajmërimeve të zyrtarëve të Partisë Demokratike të Kosovës se kjo parti mund të jetë pjesë e qeverisë nëse plotësohen dy kushte të saj.
Glauk Konjufca, anëtar i Kryesisë së Vetëvendosjes, ka thënë se zgjedhja e presidentit mund të bëhet përmes tri opsioneve.
“Isa Mustafa duhet ta heqë Avdullah Hotin, Haradinaj duhet të votojë për kandidatin e PDK-së ose PDK duhet të votojë për Ramushin president. Për t’u siguruar 80 votat e nevojshme, nuk është shumë lehtë për të bërë pazar. Duhet ta shohim se kush do ta paguajë çmimin”, ka thënë Konjufca në DebatPlus në TV Dukagjini.
Ndryshe, kryetari i Degës së PDK-së në Skenderaj Sami Lushtaku ka konfirmuar në TV Dukagjini se është qëndrim i partisë, se PDK mund të bëhet pjesë e qeverisë nëse e merr postin e presidentit ose të kryeministrit.
