Zafir Berisha është emëruar gjatë ditës së sotme në pozitën e Koordinatorit Nacional për siguri kibernetike dhe të Koordinatorit Nacional për menaxhimin e emergjencave.
Berisha pas marrjes së përgjegjësive të reja ka thënë se luftimi i sulmeve kibernetike duhet të jetë prioritet.
“Ngritja përgjegjësisë në strukturat e sigurisë së Kosovës lidhur me parandalimin dhe luftimin e sulmeve kibernetike në vendin tonë duhet të jetë prioritet i prioriteteve”, ka shkruar ai në Facebook.
Berisha më tej ka thënë se zhvillimi i teknologjisë ka rritur rrezikun nga sulmet kibernetike.
“Zhvillimi i shpejtë i teknologjisë kompjuterike dhe internetit, si në çdo vend të botës edhe në Kosovë ka rritur rrezikun nga sulmet kibernetike, prandaj avancimin e strategjisë për mbrojtje kibernetike nga incidentet, sulmet, krimet dhe terrorizmi në këtë fushë është shumë jetike për sigurinë e Kosovës”.
