Presidenti i Kosovës, Hashim Thaçi gjatë ditës së sotme ka dekretuar tri ligje që kanë të bëjnë me tejkalimin e pandemisë COVID-19 dhe rimëkëmbjen ekonomike.
Thaçi në një postim në Facebook, ka treguar se për cilat ligje bëhet fjalë.
“Kosova tashmë e ka Ligjin për Parandalimin dhe Luftimin e Pandemisë COVID-19, Ligjin për Ratifikimin e Marrëveshjes me Asociacionin Ndërkombëtar për Zhvillim lidhur me financimin e Projektit Emergjent COVID-19 dhe atë për Marrëveshjen e Huasë ndërmjet Kosovës dhe BE-së për ndihmën makro-financiare”, ka shkruar Thaqi.
Ndryshe, numri total i rasteve pozitive me COVID-19 në Kosovë është 12 mijë e 6, 7 mijë e 929 prej të infektuarve janë shëruar, kurse janë regjistruar 438 raste të vdekjes.
Raste aktive aktualisht janë 3 mijë e 639.
