Përfaqësuesja e lartë e BE-së në Kosovë, Nataliya Apostolova, e ka vlerësuar të frytshëm takimin e sotëm me zëvendëskryeministrin e parë, Besnik Tahiri.
Apostolova, pas takimit ka thënë se do të ketë një bashkëpunim të ngushtë me qeverinë e Kosovës dhe zv.kryeministrin Tahiri, sa i përket agjendës evropiane.
Përfaqësuesja e BE-së, përmes një postimi në Twitter, ka thënë se është mirë të shohësh reformën institucionale me një klasë politike me përvojë.
“Një takim i frytshëm sot me Besnik Tahirin, për të diskutuar lidhur me përgjegjësitë e qeverisë së Kosovës. Është mirë të shohësh reformën institucionale me një klasë politike me përvojë. Do të kemi bashkëpunim të ngushtë. Tani do të presim e do të shohim kush do të udhëheq me agjendën evropiane”, ka shkruar Apostolova.
Very good meeting with @besnik_tahiri today, discussing the work ahead on the priorities of the new Kosovo Government. Good to see experience and political leadership on institutional reform. We will work closely together. Now we need clarity on who leads on European agenda. pic.twitter.com/0Fxp5bhlT1
— Nataliya Apostolova (@ApostolovaEU) June 9, 2020
Edhe zëvendëskryeministri Tahiri, përmes një postimi në Facebook, ka thënë se Tahiri, gjatë takimit me Apostoloven, ka konfirmuar se ekziston një përkushtim që të vazhdojnë me implementimin e politikave evropiane, me theks në temat që lidhen me modernizimin shtetëror, plotësimin e pakos së reformave shtetërore dhe instalimin e praktikave inovative në qeverisje dhe administratë të shtetit, respektivisht institucione.
