Policia e Kosovës ka njoftuar se në 24-orët e fundit janë arrestuar 40 persona, të cilët nuk kanë respektuar orarin e lëvizjes.
Numri më i madh i personave të arrestuar është në Prizren, gjithsej 23 persona.
Në Prishtinë janë arrestuar 7 persona, në Gjilan 5 persona, në Pejë 4 persona dhe në Mitrovicë të Jugut 1 person.
Ndërkaq, nga 4 maji kanë hyrë në fuqi masat e reja të qarkullimit, qytetarëve u lejohet të dalin dy herë në ditë nga 90 minuta.
Ndryshe, deri më tani në Kosovë janë konfirmuar 856 raste me coronavirus, 490 nga të infektuarit janë shëruar kurse 26 persona kanë humbur jetën.
