Selia kombëtare e mbrojtjes civile italiane ka lëshuar informacionin e fundit mbi të vdekurit dhe të sëmurët në atë vend.
Sipas të dhënave më të fundit, 2357 persona janë infektuar me COVID-19 në 24 orët e fundit, duke e çuar kështu numrin e të infektuarve në 195.351 në vend, transmeton Telegrafi.
Që nga fillimi i pandemisë, kanë vdekur gjithsej 26.384 persona, nga të cilët 415 kanë vdekur në 24 orët e fundit.
Gjithsej 63,120 persona u shëruan, ndërsa 105.847 raste ishin aktive.
RAI News raporton se për të gjashtën ditë radhazi në Itali, numri i pacientëve me coronavirus po bie.
