Kryeministri rus, Mikhail Mishustin, ka nënshkruar një urdhër për të mbyllur kufirin e largët lindor të vendit me Kinën, për të parandaluar përhapjen e Coronavirusit.
Arsyeja e këtij mobilizimi dyshohet të jetë përhapja e Coronavirusit në 15 vende të botës.
India dhe Filipinet janë dy shtetet e fundit që kanë zbuluar të prekurit e parë nga ky virus, njëjtë siç kanë zbuluar edhe Japonia, Tajlanda, Gjermania, Kanadaja, si dhe Shtetet e Bashkuara të Amerikës.
Autoritetet në Kinë kanë deklaruar sot se numri i të prekurve nga Coronavirusi është rritur deri në 7,700 globalisht, ndërsa kanë ndërruar jetë 170 persona.
Ministria e Jashtme e Rusisë ka pezulluar lëshimin e vizave elektronike për shtetasit e Kinës.
Edhe pse nuk ka ndonjë rast të konfirmuar nga ky virus në Rusi, ky vend është mobilizuar për mbrojtje.
