Një pjesëtar i policisë së Kosovës ka mbetur i vrarë dhe dy të tjerë, bashkë me një qytetar, kanë mbetur të plagosur nga një shpërthim që ka ndodhur sonte të Zhur të Prizrenit.
Detajet për ngjarjen tragjike i ka, zëdhënësi i policisë së Kosovës për rajonin e Prizrenit, Shaban Osmanollaj.
“Mund të konfirmojmë se sot 28.01.2020 në orët e mbrëmjes gjatë një operacioni policor në fshatin Zhur të Prizrenit, dyshohet se ka ndodhur një shpërthim ku si pasoj e këtij shpërthimi ende të pa identifikuar kanë pësuar lëndime tre zyrtarë policorë dhe një qytetar”.
“Si pasojë e plagëve të pësuara dyshohet se njëri nga zyrtarët policor të ketë ndërruar jetë’, ka thënë Osmanollaj.
Sipas tij, njësitet policore relevante dhe stafi menaxhues i Policisë së Kosovës kanë dalur në vendin e ngjarjes dhe janë duke hetuar rastin.
