Administrata Tatimore e Kosovës ka njoftuar se në pajtim me Ligjin për zyrtarët publikë, ka miratuar vendimin për shkëputjen e marrëdhënies së punës për inspektorin tatimor të dënuar për korrupsion.
“Menaxhimet i lartë i ATK-së, siguron opinionin publik se çdo informatë e dëshmuar për keqpërdorim të detyrës zyrtare, si edhe rasteve korruptive do të dërgohet në organet kompetente për trajtim dhe ndaj të gjithëve që shpallen fajtorë për vepra penale, sikurse në rastin e sipërpërmenduar, do të merren masat e largimit nga marrëdhënia e punës në institucionin tonë”.
ATK-ja njëherësh, ka falënderuar qytetarët, mediat, prokurorinë dhe Policinë e Kosovës për mbështetjen në luftimin e dukurive negative.
