Ambasadorja e Kosovës në SHBA, Vlora Çitaku ka pasur një debat të ashpër me Ministrinë e Punëve të Jashtme të Serbisë, Ivica Daçiq gjatë mbledhjes së Këshillit të Sigurimit të OKB-së.
Çitaku ka reaguar pas publikimit të certifikatës së lindjes së saj gjatë kësaj mbledhje, nga Daçiq.
Ajo e ka cilësuar këtë si një akt të ulët të autoriteteve serbe që dëshmon se Serbia e ka vjedhur dokumentacionin e Kosovës.
“Serbia vodhi regjistrin tonë civil, regjistrimet kadastrale, artefakte dhe shumë më tepër. Një nga ato mijëra sene u shfaq dje në Këshillin e Sigurimit të OKB-së nga Ministri i Serbisë, certifikata ime e lindjes.
Sigurisht që ai donte të më frikësonte, por dështoi në mënyrë të mjerë. Kosova është këtu për të qëndruar”, ka shkruar Çitaku në Tiwtter. /Telegrafi/
#Serbia stole our civil registry,cadastral records,artifacts and much more.
One of those thousands of items was displayed yesterday at the #UNSC by the Serbian FM, my birth certificate.
Of course he wanted to intimidate me, but failed miserably. #Kosovo is here to stay. 🇽🇰 pic.twitter.com/qp3HocFxs8
— Vlora Çitaku (@vloracitaku) November 1, 2019
