Një djalë 24 vjeçar me inicialet F.Ç., nga Ferizaj ka humbur jetën në Brezovicë pasi që gjersa ishte duke skijuar është goditur nga një ortek bore dhe më pas ka rënë në një humnerë.
Zëdhënësi i Policisë rajonale të Ferizajt, Agim Gashi, ka thënë në Info Magazine të Klan Kosovës se ngjarja ka ndodhur rreth orës 14:15 derisa tashmë i ndjeri me shokë po skijonte jashtë shtigjeve të skijimit në një terren tepër të rrezikshëm.
Gashi ka thënë se ekipet e policisë janë në vendin e ngjarjes dhe po provojnë ta tërheqin kufomën.
Persona të tjerë të lënduar nuk ka.
